Dr Beat Fan

Claude Pfau, 1980

Waisch wie lang isch s här syt mir uffs Danzrad sin go fääge
Shadows-Stüggli hämmer zelebriert
S het nur e Dringgäld gä e Gasche isch nit dinne glääge
Nit im Gringschte het is das scheniert
Waisch wie lang isch s här syt mir ins Brändis sin go schwoofe,
Beatles, Stones und mänggmool Moodie Blues
In dr Oase simmer z hinterscht gsässe glych wie d Katz bim Oofe,
Hendrix-Sound und stundelange Blues

Y bin en alte Beat-Fään, e Copain vo dr Gass
Aine vo dr erschte Schtund und waisch du das y
jede freyen Oooben in Käller gang go broobe
Denn jetzt schloon y ändlig wider zue

Waisch wie lang isch s här syt mir e Bladde sin go mache,
z London ääne in däm Schdudio
Z Oooben als im Pub am Egge wo mr vyl hän glache
isch dr Paul McCartney yyne koo
Waisch das au no wo mr sin ins Round-House uuse zooge,
D Auge psychodelisch zämmedruggd
D Pink Floyd hänn is paggd und immer wydder yynezooge
Vyyli hän dört Trips wie Dääfi gschluggd

Y bin en alte Beat-Fään, e Copain vo dr Gass
Aine vo dr erschte Schtund und waisch du das y
jede freyen Oooben in Käller gang go broobe
Denn jetzt schloon y wider zue

Waisch wie lang isch s här syt dääne unbeschwärde Zydde,
31 Jöörli oder meh ?
Y han e Foddi und e Laitartiggel uff dr Sydde
mit Kollege druff won y nüm gseeh
Mi Zopf isch ab und Telecaster isch scho lang vrroschdet
Joorelang han ych die Sucht vrdränggt
Kürzlig aber han y mr e Stratocaster boschdet
und scho widder hets mr aini glänggt

Y bin en alte Beat-Fään, e Copain vo dr Gass
Aine vo dr erschte Schtund und waisch du das y
jede freyen Oooben in Käller gang go broobe
Denn jetzt schloon y wider zue